Rossiya va Ukraina Pasxa sulhini buzishda bir-birini aybladi

Rossiya va Ukraina Pasxa munosabati bilan e’lon qilingan 32 soatlik o‘t ochishni to‘xtatish rejimi buzilgani bo‘yicha bir-birini aybladi.

Ukraina Qurolli kuchlari Bosh shtabi ma’lumotiga ko‘ra, 12 aprel ertalabgacha 2 mingdan ortiq qoidabuzarlik qayd etilgan.

Ular orasida hujum harakatlari, artilleriya o‘q uzishlari va qisqa masofali dronlardan foydalanish holatlari bor. Shu bilan birga, uzoq masofali raketalar hamda boshqariladigan aviabombalar qo‘llanmagani ta’kidlangan.

Rossiya Mudofaa vazirligi ham ukrain tomonidan deyarli 2 mingta buzilish sodir etilganini ma’lum qildi. Vazirlikka ko‘ra, ular orasida dronlar qo‘llanilgan holatlar ham mavjud.

Shuningdek, Belgorod viloyatida 11 aprel kuni yuz bergan hujum oqibatida ikki nafar tinch aholi halok bo‘lgani xabar qilindi.