Rossiya Ukrainaga 400 dan ortiq dron bilan hujum qildi

​Moskva Ukraina bo‘ylab kunduzgi hujum davomida jami 409 ta dron uchirdi, natijada Ternopol shahrida 10 kishi jarohatlandi.

Ukraina Harbiy-havo kuchlarining ma’lumotiga ko‘ra, mahalliy vaqt bilan soat 08:00 dan 15:30 gacha yuborilgan dronlarning 388 tasi urib tushirilgan yoki zararsizlantirilgan. Bundan tashqari, o‘sha kuni tunda ham yana 210 ta dron bilan zarba berilgan edi.

​Hujumlar oqibatida Cherkassi viloyati tepasida 19 ta dron urib tushirilgan, bolalar bog‘chasi, maktab, 7 ta xususiy uy va elektr uzatish liniyasi zarar ko‘rgan. Vinnisa viloyatida bir bino vayron bo‘lib, bir ayol kishi jabrlangan. Odessa shahri yaqinida esa savdo markazining tomi shikastlanishi natijasida yong‘in kelib chiqqan.