Rossiya fuqarosi Qirg‘izistondagi Manas xalqaro aeroportida o‘z joniga qasd qilishga harakat qildi.
Qirg‘iziston davlat chegara xizmati xabarida aytilishicha, voqea 3 may kuni sodir bo‘ldi.
Bishkek-Istanbul reysidan yo‘lovchilardan biri noo‘rin hatti-harakatlari sababli parvozdan qoldirildi, keyinchalik u o‘z joniga qasd qilishga harakat qildi. Ta’kidlanishicha, bu erkak ko‘rikdan o‘tish joyida tartibsizlik qilib, chegarachilarga hujum qildi.
Rossiya fuqarosi transport polisiyasiga topshirildi.