Rossiya Federasiyasi veterinariya va fitosanitariya nazorati bo‘yicha federal xizmati (“Rosselxoznadzor”) 2026 yil 3 iyundan boshlab Armanistondan kartoshka, baqlajon, urug‘li mevalar (olma, nok, behi) va quritilgan mevalar importiga taqiq qo‘ydi.
“Rosselxoznadzor” ushbu qishloq xo‘jaligi mahsulotlarining Rossiya orqali Yevrosiyo iqtisodiy ittifoqining (EOII) boshqa davlatlariga tranzit qilinishi ham taqiqlandi. Bunga “ushbu davlatlar tomonidan karantin ostidagi mahsulotlar qabul qilinganini tasdiqlovchi mexanizmlar yo‘qligi” sabab qilib ko‘rsatildi.
Bundan oldin Rossiya Armanistondan gullar, “Jermuk” mineral suvi, sabzavotlar (jumladan, bodring, qalampir, pomidor), ko‘katlar, shaftoli, qulupnay baliq va boshqa mahsulotlar importini cheklagandi.
Ushbu taqiqlar Armanistonda 7 iyunga belgilangan parlament saylovlariga tayyorgarlik ko‘rilayotgani, shuningdek, Yerevan G‘arb davlatlari va Yevropa Ittifoqi bilan yaqinlashishni boshlagani fonida joriy etildi.
O‘zbekistonda yangi ko‘l paydo bo‘ldi
Qirg‘izistonga yuborilgan 21 tonna tarvuz nega ortga qaytarildi?
"EIning barcha davlatlari bu mavzuda ovozini o‘chirishi kerak"
