Rossiya Xitoyda Ukrainaga qarshi urushda foydalanish uchun uzoq masofaga uchuvchi dronlarni yaratish va ishlab chiqarish dasturini ishga tushirdi, deya xabar bermoqda agentlik o‘z surishtiruvida Yevropa razvedka manbalari va jurnalistlar qo‘lga kiritgan hujjatlarga tayanib.
Reuters xabariga ko‘ra, "Almaz-Antey" konserniga qarashli Ijevsk elektromexanika zavodi "Kupol" mahalliy mutaxassislar yordamida Xitoyda yangi "Garpiya-3" nomli dron modelini ishlab chiqdi va parvoz sinovlarini o‘tkazdi. Bu haqda "Kupol" shu yil boshida Rossiya Mudofaa vazirligiga yuborgan hisobotdan ma’lum bo‘ldi.
Keyinroq Kupol Mudofaa vazirligiga" Maxsus harbiy operasiya"da foydalanish uchun (Rossiya rasmiylari Ukrainaga qarshi urushni shunday ataydi) Xitoydagi zavodda katta miqdorda dronlarni, shu jumladan "Garpiya-3" dronlarini ishlab chiqarishi mumkinligini ma’lum qildi.
"Kupol", "Almaz-Antey" va Rossiya Mudofaa vazirligi Reuters so‘rovlariga javob bermadi. Xitoy Tashqi ishlar vazirligi agentlikka bunday loyihadan xabari yo‘qligini ma’lum qilgan holda, mamlakatda uchuvchisiz samolyotlar yoki uchuvchisiz uchish jihozlari eksporti ustidan qattiq nazorat o‘rnatilganligini bildirgan. Reuters o‘z surishtiruvida dronlarni ishlab chiqarish jarayoni sir ekanligini qayd etadi.
Afg‘oniston: Biz 2 imperiyani yo‘q qildik, keyingisi – AQSh
Hindiston Rossiyaga yo‘q dedi
Dunyodagi eng kichik 5 ta davlat
