“Real” klubi rahbariyati ayni damda “Chelsi” a’zosi Eden Azarni xarid qilish borasida jiddiy harakat qilmoqda.
Ispan nashrlarining yozishicha, futbolchining o‘zi Madridga ko‘chib o‘tishga qarshi emas, biroq “Chelsi” ustozi Maurisio Sarri belgiyalik futbolchining ketishini istamayapti. O‘z navbatida “aristokratlar” Azar uchun katta narx so‘ramoqda.
Manbalarga qaraganda, “Real” ustozi Xuan Lopetegi Azar variantidan voz kechishga ham qarshi emas, chunki, uning fikricha, Isko “qirollik klubi”da aynan Edenning vazifasini bajaradi. Shu bois agar transfer murakkablashib ketadigan bo‘lsa, Lopetegi Isko tufayli Azardan voz kechish mumkinligini ta’kidlagan.
