Ramzan Qodirov tahdid qildi: "So‘zlaringiz uchun uzr so‘rang! Aks holda..."

"Jirinovskiy, so‘zlaringiz uchun uzr so‘rang, aks holda na mandat, na pul sizga yordam beradi". Checheniston rahbari Ramzan Qodirov siyosatchiga ana shunday murojaat qildi. U bu orqali Jirinovskiyning gubernatorlar xalqaro masalalarda gapirmasligi kerak, degan so‘zlariga o‘z munosabatini bildirdi.

Qodirovning so‘zlariga ko‘ra, u Rossiya Liberal-demokratik partiyasi rahbari Vladimir Jirinovskiyning fikridan hayron qolgan va g‘azablangan. “Jirinovskiy, so‘zlaringiz uchun uzr so‘rang. Keyin Davlat Dumasidagi muddatingiz tugaguncha o‘tiring. Balki omadingiz kelib, yangi deputatlar saylovlarida yana yaxshi pul topishingiz mumkin. Aks holda, na mandat, na pul sizga yordam beradi", — deya qo‘shimcha qildi Checheniston rahbari.

Avvalroq, 18 yoshli chechen Abdulax Anzorov tomonidan o‘ldirilgan va boshi kesilgan Parij o‘qituvchisi bilan yuz bergan fojia va Fransiya rahbari Emmanuel Makronning bu boradagi bayonotlaridan so‘ng, Qodirov Fransiya prezidentini terrorizm rahbari deb atagan edi. Keyinchalik Jirinovskiy gubernatorlar xalqaro masalalarda gapirmasliklari kerakligini, chunki ularning vazifalariga faqat iqtisodiy va iqtisodiy ishlar kirishini aytdi.