Qo‘shma Shtatlar Livanga 157 million dollar ajratilishini e’lon qildi

Qo‘shma Shtatlar Livanga insonparvarlik yordami uchun taxminan 157 million dollar ajratilishini e’lon qildi.

Qo‘shma Shtatlar Livan va mintaqadagi «mojarolar» qurbonlariga gumanitar yordam ko‘rsatish uchun taxminan 157 million dollar ajratilishini e’lon qildi.

AQSh Davlat kotibi Entoni Blinken, yozma bayonotida, mablag‘lar Livandagi ichki ko‘chirilganlar va ularni mezbon jamoalarning ehtiyojlarini qondirish uchun sarflanishini aytdi.

Unga ko‘ra, yordam Suriyaga qochganlarni ham qamrab oladi.

Blinkenning ta’kidlashicha, AQSh Xalqaro taraqqiyot agentligi (USAID) allaqachon bu mablag‘ning 11,5 million dollarini ajratgan.

Kotib yordam USAID va Aholi, qochqinlar va migrasiya byurosi orqali amalga oshirilishini ta’kidladi va boshqa donorlarni mintaqadagi insonparvarlik ehtiyojlarini qo‘llab-quvvatlashga qo‘shilishga chaqirdi.