Qozog‘iston hududidan o‘tgan Atirau-Dossor trassasida 3 ta avtomobil ishtirokida yirik YTH sodir bo‘ldi.
Odam o‘limi bilan bog‘liq mazkur hodisa joriy yilning 15 iyun kuni ertalabki soat taxminan 6:30 larda sodir bo‘lgan. Atirau viloyati polisiya departamenti xabariga ko‘ra, YTHda KamAZ, PAZ 32053 va Daewoo Nexia avtomashinalari ishtirok etgan.
“Hodisada Daewoo Nexia haydovchisi bo‘lgan 1973 yilda tug‘ilgan O‘zbekiston Respublikasi fuqarosi olgan tan jarohatlari bilan voqea joyida halok bo‘lgan”, — deyiladi xabarda.