Qozog‘iston prostata saratoni va neyroyendokrin kasalliklarni davolash uchun radiofarmasevtika ishlab chiqarishni rejalashtirmoqda.
Bu haqda Xalqaro atom energiyasi agentligi (MAGATE) Bosh konferensiyasining 68-sessiyasi doirasida ma’lum qilingan.
Tadbirda qozog‘istonlik mutaxassislar yadro tibbiyoti sohasidagi o‘z ishlarining natijalarini taqdim etdilar.
Ta’kidlanganidek, yaqin uch yilda mamlakatimizda pozitron emissiyali tomografiya apparatlariga ega yettita markaz va bir fotonli emissiyali kompyuter tomografiya apparatlariga ega to‘rtta markaz, shuningdek, davlat-xususiy sheriklik asosida beshta yangi yadro tibbiyoti markazini ochish rejalashtirilgan.
Radiokimyo va izotop ishlab chiqarish markazi rahbari Yelena Chakrova Qozog‘istonda MAGATE bilan texnik hamkorlikda yettita radiofarmasevtika ishlab chiqarilishini aytdi.
Qozog‘iston onkologiya va radiologiya ilmiy-tadqiqot instituti vakili Jandos Amanqulov yadro tibbiyotini rivojlantirishda davlat-xususiy sheriklikning o‘rni haqida gapirdi. U yadro tibbiyoti usullarini mamlakat fuqarolarining aksariyati uchun yanada qulayroq qiladigan ushbu moliyaviy mexanizm samaradorligini qayd etdi.
Millionerlar ko‘chib ketayotgan 5 ta davlat
Eron Ukrainaning Rossiya bilan mojaroda mag‘lubiyatga uchraganini e’lon qildi
Rossiya G‘arbni uchinchi jahon urushi haqida ogohlantirdi
