Bugun siyosat o‘ta tahdidli tus olayotgan, tashqi kuchlarning o‘yinlari ko‘payib va kutilmagan tus olib borayotgan bir paytda Qoraqalpog‘istondagi voqea ham bizni chuqur o‘ylashga, fikrlashga majbur etadi.
Ayni damda asosiy masala — sabablarni tahlil qilish va yanada yomon oqibatlarga qarshi kurashish. Qoraqalpog‘iston necha yillardan beri O‘zbekistonning bir qismi bo‘lib kelgan va hech qaysi jabhada ajratib qo‘yilmagan. Har yili boshqa hududlar qatori Qoraqalpog‘istonga ham rivojlanish uchun millionlab mablag‘ ajratiladi, har yili Prezident Qoraqalpog‘istonga tashrif buyurib, aholi murojaatlarini o‘rganadi, muammolarni bartaraf etish choralarini izlaydi, har yili turli sohadagi muhim jarayonlar, albatta, qoraqalpoqlarsiz o‘tmaydi.
Biz — bir davlatmiz. Qoraqalpoqlar bilan og‘a-inimiz, aka-ukamiz. Bu shunchaki rishta emas yoki biz kecha qardosh bo‘lib qolganimiz yo‘q. Qoraqalpoqlar bilan oramizda uzoq yillik rishta bor, bu rishta ancha yillardan beri mustahkamlanib kelgan va uni qandaydir soatlar, kunlar ichida uzib yuborish mumkin emas.
Qoraqalpog‘iston — bizning yerimiz. Men o‘zbekman, qoraqalpoqman. Shunday ekan, qoraqalpoq birodarlar, oqni qoradan ajrating. Etni tirnoqdan ayirishlariga yo‘l qo‘ymang. Biz sizni yaxshi ko‘ramiz.
Nizomjon Islomov
O‘zbekiston tibbiyoti og‘ir judolikka uchradi
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
