Qirg‘iziston – Tojikiston chegarasidagi vaziyatni tartibga solish uchun Kollektiv xavfsizlik shartnomasi tashkiloti (KXSHT) tinchlikparvar kuchlarini joylashtirish kerak, deb hisoblaydi Qirg‘iziston mudofaa vaziri Baktibek Bekbolotov. Bu haqda “Interfaks” yozmoqda.
Uning fikricha, tomonlar o‘rtasida tinchlikka erishish uchun boshqa variant yo‘q.
“Oramizga hakam kelmaguncha tinchlik bo‘lmaydi. Men bahsli hududlarimizda KXSHTning kichik kontingentini tashkil etishni taklif qildim, bu mojaroni hal qilish uchun bir qancha muammolarni – o‘t ochishni to‘xtatish rejimini nazorat qilish va davlat chegarasidan og‘ir texnikani olib chiqishni hal qiladi”, — dedi Bekbolotov KXSHT Bosh kotibi bilan uchrashuvda.
Shundan keyingina Qirg‘iziston mudofaa vazirligi rahbari aytganidek, chegaralarni demarkasiya qilish mumkin bo‘ladi.