Qatar Eronga qarshi harbiy operasiyalarda ishtirok etdimi?

Qatar Tashqi ishlar vazirligi Eronga qarshi harbiy operasiyalarda ishtirok etganini rad etdi.

Qatar Tashqi ishlar vazirligi vakili Majid al-Ansari bu haqda o‘zining ijtimoiy tarmoq sahifasida yozgan.

"Qatar davlati Eronga qarshi urushda qatnashmayapti, balki o‘zini himoya qilishning qonuniy huquqidan foydalanmoqda va Eronning mamlakatga qarshi tajovuzini to‘xtatmoqda", deb yozgan u.

Ansari shuningdek, faqat Qatar hukumat idoralarining rasmiy bayonotlariga ishonishga chaqirdi.