O‘zbekiston Respublikasi IIV huzuridagi Tergov departamenti xabariga ko‘ra, shu yilning 8 yanvar kuni soat taxminan 04:00larda Qashqadaryo viloyatining Shahrisabz tumani “Xitoy” mahallasida yashovchi 47 yoshli fuqaro N.B.ning yashash uyida yong‘in sodir bo‘ldi. Oqibatda N.B. va uning turmush o‘rtog‘i 38 yoshli G.E., 10 yoshli D.N., 8 yoshli A.N.lar kuyishdan tan jarohati olib, shifoxonaga yotqizildi.
Hozirda hodisa joyida tergov-tezkor guruhi ishlamoqda, yong‘in kelib chiqish sabablari o‘rganilmoqda. Dastlabki ma’lumotga ko‘ra, yong‘in uydagi gilam tagiga tashlangan elektr toki yordamida ishlovchi pol isitgichining qizib ketishi natijasida sodir bo‘lgan.