Gap shundaki, u qiz tug‘ilganida yanglishib, “Shafoatov Olim” deb yozilgan guvohnomani berib yuborishgan. Tog‘li qishloqning tuman markazidan 180 kilometr uzoqda joylashgani va markazga borish qiyin bo‘lgani sababli bu xato o‘zgartirilmay qolib ketgan.
Qiz Dehqonobod tumanining tog‘li Duob va Terakli qishloqlari aholisi uchun o‘tkazilgan sayyor qabulda guvohnomasini o‘zgartirishni so‘rab murojaat qilgan.
“Kech bo‘lsada bu xato to‘g‘rilandi. Biz sayyor qabuldan so‘ng “Shafoatov Olim” guvohnomasi bilan yurgan qizga “Shafoatova Muqaddam Ravshan qizi” deb qayd etilgan guvohnomani topshirdik. Endilikda bu tog‘ qishloqlarida yiliga ikki marta sayyor qabul o‘tkazishni mo‘ljallayapmiz”, - deydi Dehqonobod tumani fuqarolik holati dalolatnomalarini yozish bo‘limi mudirasi Ozoda Ashurova.