Ertalab soat 7:00 dan boshlab Toshkent aeroportida ob-havo sharoiti — tuman tushishi hamda ko‘rinish 100 metrgacha pasayib ketganligi sababli 10 dan ortiq reyslar kechiktirildi.
Turkiya havo yo‘llarining Istanbulga, “Uzbekistan Airvays” aviakompaniyasining Moskva, Bishkek, Dubay, Jidda, Frankfurt, Dushanbe va Sharm al-Shayx yo‘nalishlarida 10 dan ortiq parvozlari belgilangan vaqtidan kechiqib uchdi.
Ob-havo sharoiti soat 11 ga yaqin yaxshilandi. Aeroport reyslarni qabul qilish va jo‘natishni boshladi.
Ayni damda barcha kechiktirilgan reyslar «Toshkent» aeroportidan manzilga qarab uchib ketdi.