Vladimir Putin Rossiyadagi norozilik namoyishlari haqida gapirib, vaziyatni to‘qnashuvlarga olib chiqishga hech kimning haqi yo‘qligini va aybdorlar jazolanishi kerakligini aytdi.
Davlat rahbari Moskvadagi notinchliklar saylov bilan bog‘liqligini ta’kidladi, chunki sentyabr oyida mintaqaviy hokimiyat, shu jumladan, Moskvada saylovlar bo‘lib o‘tadi. Shu bilan birga, Rossiya rahbari fuqarolar amaldagi qonunchilikka muvofiq tinch norozilik namoyishlari o‘tkazish huquqiga ega va hokimiyat bunga aralashmasligi kerakligini ham qo‘shimcha qildi.
«Ammo hech kim na hokimiyat, na biron bir fuqarolar guruhi amaldagi qonunni buzishga, vaziyatni bema’nilikka yoki hokimiyat bilan to‘qnashuvga olib kelishga haqli emas. Bu qonun buzilishi, va bu qonunbuzarlikda aybdor bo‘lgan barcha Rossiya qonunlariga muvofiq javobgarlikka tortilishi kerak», dedi prezident.
Davlat rahbari Fransiyadagi “sariq jiletli”lar bilan bo‘lgan voqealarning Moskvada bo‘lishini istamasligini ta’kidladi va Rossiyadagi siyosiy vaziyat qonun doirasida rivojlanib borishi uchun hamma narsani qilishga va’da berdi.
ECHL. Yarim final. "Bavariya" "Real" bilan jangovar durang qayd etdi
Rossiya iqtisodiyoti qulashi mumkin
Rossiya IIV 400 ga yaqin muhojirni Rossiya pasportidan mahrum qildi
