Rossiya prezidenti Vladimir Putin Mustaqil Davlatlar Hamdo‘stligiga (MDH) Kollektiv xavfsizlik shartnomasi tashkiloti (KXSHT) huzurida kuzatuvchi maqomini taqdim etishni taklif qildi.
“Biz SHHT va MDH bo‘yicha hamkorlarimiz bilan o‘zaro hamkorlikni kuchaytirishimiz zarur. O‘rni kelganda shuni aytish kerakki, fikrimizcha, MDHga KXSHT huzurida kuzatuvchi maqomini taqdim etish o‘rinli va to‘g‘ri bo‘lgan bo‘lardi. Buni muhokama qilmog‘imiz darkor”, - dedi Rossiya rahbari Moskvadagi KXSHTning yubiley sammiti davomida.
Ma’lumot uchun, 1992 yil 15 may sanasida sobiq sovet respublikalari o‘rtasida Kollektiv xavfsizlik to‘g‘risida kelishuv imzolandi va u 1994 yilning 20 aprelidan boshlab kuchga kirdi.
KXSHTning vazifasi qo‘shin va yordamchi bo‘linmalarning birgalikdagi sa’y-harakatlari bilan shartnomada ishtirok etadigan mamlakatlarning hududiy-iqtisodiy makonini har qanday tashqi harbiy va siyosiy tajovuzkorlardan, xalqaro terrorchilardan, shuningdek keng ko‘lamli tabiiy ofatlardan himoya qilishdan iborat. Bugungi kunda ushbu tashkilotga 6 davlat: Rossiya, Belarus, Armaniston, Tojikiston, Qozog‘iston va Qirg‘iziston a’zo.
O‘g‘ri bojxonachilar 26 tonna oltin bilan qo‘lga tushdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
Germaniya va Shvesiya harbiy hamkorlikni kuchaytirmoqchi
