Rossiya prezidenti Vladimir Putin 29 yanvar kuni Rossiyaga amaliy tashrif bilan kelgan BAA prezidenti Shayx Muhammad bin Zoid Ol Nahayon bilan muzokaralar o‘tkazdi.
Kremlda Rossiya va BAA Prezidentlari o‘rtasida o‘tayotgan muzokaralar chog‘ida Vladimir Putin to‘laqonli Falastin davlatini barpo etish Rossiya uchun prinsipial masala ekanini ta’kidlagan. U, shuningdek, BAAning Rossiya va Ukraina o‘rtasidagi mahbuslar almashinuvi hamda nizoni diplomatik yo‘l bilan tartibga solish borasidagi sa’y-harakatlarini yuqori baholagan.
Tomonlar Eron atrofidagi vaziyatni ham muhokama qilgan. BAA Prezidenti esa Moskva va Kiyev o‘rtasidagi almashinuvlar bo‘yicha Abu-Dabining tashabbuslarini qo‘llab-quvvatlagani uchun Rossiya rahbariga minnatdorlik bildirgan.
Muhammad bin Zoid Ol Nahayon o‘tgan hafta Abu-Dabida Rossiya, AQSh va Ukraina delegasiyalarini qabul qildi. BAA rasmiylariga ko‘ra, uchrashuvlar "ijobiy" va "konstruktiv" muhitda o‘tgan va kelishuv yo‘lidagi muhim qadam bo‘lgan.
Odilxon qori Yunusxon o‘g‘li sud zalida hibsga olindi
Aholini ro‘yxatga olish savolnomasini xato to‘ldirganlarga ogohlantirish yuborilmoqda
Nikolay Valuyev: "Markaziy Osiyo davlatlariga hech qachon tahdid qilmaganman"
