Россия президенти Владимир Путин 29 январь куни Россияга амалий ташриф билан келган БАА президенти Шайх Муҳаммад бин Зоид Ол Наҳаён билан музокаралар ўтказди.
Кремлда Россия ва БАА Президентлари ўртасида ўтаётган музокаралар чоғида Владимир Путин тўлақонли Фаластин давлатини барпо этиш Россия учун принципиал масала эканини таъкидлаган. У, шунингдек, БААнинг Россия ва Украина ўртасидаги маҳбуслар алмашинуви ҳамда низони дипломатик йўл билан тартибга солиш борасидаги саъй-ҳаракатларини юқори баҳолаган.
Томонлар Эрон атрофидаги вазиятни ҳам муҳокама қилган. БАА Президенти эса Москва ва Киев ўртасидаги алмашинувлар бўйича Абу-Дабининг ташаббусларини қўллаб-қувватлагани учун Россия раҳбарига миннатдорлик билдирган.
Муҳаммад бин Зоид Ол Наҳаён ўтган ҳафта Абу-Дабида Россия, АҚШ ва Украина делегацияларини қабул қилди. БАА расмийларига кўра, учрашувлар "ижобий" ва "конструктив" муҳитда ўтган ва келишув йўлидаги муҳим қадам бўлган.
Одилхон қори Юнусхон ўғли суд залида ҳибсга олинди
Аҳолини рўйхатга олиш саволномасини хато тўлдирганларга огоҳлантириш юборилмоқда
Николай Валуев: "Марказий Осиё давлатларига ҳеч қачон таҳдид қилмаганман"
