Rossiya prezidenti Vladimir Putin «Valday» xalqaro muhokama klubining yalpi majlisida butun dunyo Eron xalqining matonati va jasoratini kuzatayotganini aytdi.
🗣️ Putinning ta’kidlashicha, Eron davlat boshqaruvi va qurolli kuchlarida mamlakat kelajagi uchun o‘zini qurbon qilishga tayyor bo‘lgan yuqori lavozimdagi ko‘plab kadrlar bor. Uning aytishicha, yo‘q qilingan amaldor o‘rniga doimo yangi odam kelishi mumkin.
Putin Eron Milliy xavfsizlik kengashi kotibi Ali Lorijoniyning o‘ldirilishini katta xato deb atadi. U Lorijoniy bugun kompromiss topishda kerak bo‘lishi mumkinligini ta’kidlab, uni shaxsan tanishi va hurmat qilganini aytdi.
☢️ Putin Rossiya hali ham Eronning boyitilgan uranini qabul qilishga tayyor ekanini bildirdi. Uning so‘zlariga ko‘ra, avval bu variant barcha tomonlarga, jumladan Isroilga ham ma’qul bo‘lgan, keyin esa AQSh pozisiyasini o‘zgartirib, uranni o‘ziga berishni talab qilgan.
🚢 Rossiya prezidenti, shuningdek, AQSh Eronga qarshi sanksiyalarni bekor qilsa, Hurmuz va Bob-el-Mandab bo‘g‘ozlarida kemalar harakati erkinligi tiklanishini aytdi. Putin sanksiyalarni «noqonuniy» deb atadi.
Shu bilan birga, Rossiya Xavfsizlik kengashi raisining o‘rinbosari Dmitriy Medvedev Putin Eronning marhum oliy rahbari Ali Xomanaiyni juda hurmat qilganini bildirdi. Uning aytishicha, Putin hurmat belgisi sifatida Medvedevni Xomanaiyning iyul oyidagi dafn marosimida Rossiya vakili sifatida yuborgan.
Aeroportda yangi tug‘ilgan chaqaloq va uning onasi vafot etdi
Ayiq ovlaganlarga pul mukofoti va’da qilindi
13 yoshli qiz egizak farzandli bo‘ldi
