O‘zbekiston Respublikasi Prezidenti Shavkat Mirziyoyev 12 may kuni tashrif bilan mamlakatimizga kelgan Braziliya Federativ Respublikasi tashqi ishlar vaziri Mauro Viyeyrani qabul qildi.
Uchrashuv avvalida yuqori martabali mehmon davlatimiz rahbariga Braziliya Prezidenti Luis Inasiu Lula da Silvaning salomi va eng ezgu tilaklarini yetkazdi.
O‘zbekiston – Braziliya munosabatlarini yanada mustahkamlash va ko‘p qirrali hamkorlikni sifat jihatidan yangi bosqichga olib chiqish masalalari muhokama qilindi.
Oliy darajada tizimli muloqotni yo‘lga qo‘yish, siyosiy va parlamentlararo aloqalarni faollashtirish muhimligi qayd etildi.
O‘zaro savdo hajmini oshirish, ishbilarmonlik aloqalarini rivojlantirish, kimyo, elektrotexnika, farmasevtika va sanoatning boshqa tarmoqlarida qo‘shma loyihalarni ilgari surishga alohida e’tibor qaratildi.
Qishloq xo‘jaligi, seleksiya, turizm, sport va boshqa yo‘nalishlardagi hamkorlik istiqbollari kun tartibida bo‘ldi.
Belgilangan vazifalarni amalga oshirish uchun Hukumatlararo komissiya tuzish taklif etildi.
Tomonlar xalqaro darajadagi dolzarb masalalar yuzasidan ham fikr almashdilar, bo‘lajak tadbirlar rejasini muhokama qildilar.
MDH davlatlarida qancha Ikkinchi jahon urushi qatnashchilari qolgan?
Endi Toshkent viloyati yo‘llarida “Damas” harakati cheklanadi
Oltin konining qulashi oqibatida kamida 15 kishi halok bo‘ldi
