Portugaliya Erondagi elchixonasini yopdi

Portugaliya xavfsizlikni ta’minlash maqsadida Erondagi o‘z elchixonasini vaqtincha yopishga qaror qildi.

Bu haqda Portugaliya Tashqi ishlar vazirligi ma’lum qildi.

"Ushbu mamlakatda bo‘lgan barcha Portugaliya fuqarolari bilan aloqa o‘rnatildi: sakkiz nafar shaxs allaqachon Eron hududini tark etgan. Ayrim fuqarolar mamlakatdan chiqib ketish jarayonida, qolgan o‘n nafar fuqaro esa (ularning yetti nafari ikki fuqarolikka — Portugaliya va Eron fuqaroligiga ega) qolishga qaror qildi", — deyiladi vazirlik xabarida.

Tashqi ishlar vazirligi, shuningdek, hozirgi keskin vaziyat va mintaqada qurolli to‘qnashuv xavfi mavjudligi sababli, Eronga har qanday safarlar qat’iy ravishda tavsiya etilmasligini qo‘shimcha qilgan.