Португалия Эрондаги элчихонасини ёпди

Португалия хавфсизликни таъминлаш мақсадида Эрондаги ўз элчихонасини вақтинча ёпишга қарор қилди.

Бу ҳақда Португалия Ташқи ишлар вазирлиги маълум қилди.

"Ушбу мамлакатда бўлган барча Португалия фуқаролари билан алоқа ўрнатилди: саккиз нафар шахс аллақачон Эрон ҳудудини тарк этган. Айрим фуқаролар мамлакатдан чиқиб кетиш жараёнида, қолган ўн нафар фуқаро эса (уларнинг етти нафари икки фуқароликка — Португалия ва Эрон фуқаролигига эга) қолишга қарор қилди", — дейилади вазирлик хабарида.

Ташқи ишлар вазирлиги, шунингдек, ҳозирги кескин вазият ва минтақада қуролли тўқнашув хавфи мавжудлиги сабабли, Эронга ҳар қандай сафарлар қатъий равишда тавсия этилмаслигини қўшимча қилган.