Polsha mudofaa vaziri Mariush Blashchak chorshanba kuni Germaniyadan Polshaga taklif qilingan Patriot zenit-raketa komplekslarini Ukrainaga yuborishni so‘radi.
"Rossiyaning navbatdagi raketa hujumidan so‘ng men Germaniyadan Polshaga taklif qilingan Patriot batareyalarini Ukrainaga o‘tkazib, g‘arbiy chegarasiga joylashtirishni so‘radim", — deb yozadi Blashchak Twitter sahifasida.
Ma’lumot uchun, Amerikaning MIM-104 Patriot kompleksi o‘rta va yuqori balandlikdagi nishonlarga qarshi havo hujumidan va raketaga qarshi mudofaani (ABM) ta’minlash uchun universal vosita sifatida yaratilgan.