Polsha tashqi ishlar vaziri Zbignev Rau Germaniya kansleri Olaf Sholsni Varshavani viza berishdagi mumkin bo‘lgan buzilishlar bilan bog‘liq janjal yuzasidan tanqid qilgani uchun respublika ichki ishlariga aralashishda aybladi.
Bu haqda Polsha diplomatiyasi rahbari ijtimoiy tarmoqda yozgan.
“Germaniya kansleri Olaf Sholsning yaqinda qilgan bayonoti Polsha bilan yaxshi qo‘shnichilik va do‘stona hamkorlik asosi bo‘lgan va Germaniya hukumati tomonidan 1991-yildagi Varshava shartnomasida e’lon qilingan davlatlarning suveren tengligi tamoyillariga ziddir. Germaniya kansleri vakolatining Polshadagi sud jarayonlariga hech qanday aloqasi yo‘qligi aniq”, - dedi Rau.
Polsha Tashqi ishlar vazirligi rahbarining so‘zlariga ko‘ra, Sholsning bayonotlari “Polsha davlatining ichki ishlariga va Polshadagi saylov kampaniyasiga aralashishga urinishdan dalolat beradi”.
“Ikki tomonlama yaxshi munosabatlar uchun men Germaniya kanslerini Polsha suverenitetini hurmat qilishga va munosabatlarimizga putur yetkazuvchi bayonotlardan saqlanishga chaqiraman”, — deya qo‘shimcha qildi Rau.
