Pokiston G‘azo bo‘yicha Tinchlik Kengashiga qo‘shildi

Pokiston G‘azo sektorida tinchlik rejasini qo‘llab-quvvatlash maqsadida Tinchlik Kengashiga qo‘shildi.

Tashqi ishlar vazirligi ma’lumotiga ko‘ra, AQSh Prezidenti Donald Tramp tomonidan Bosh vazir Shahboz Sharifga yuborilgan taklif qabul qilindi. Maqsad — doimiy o‘t ochishni to‘xtatish, falastinliklarga gumanitar yordamni kengaytirish va infratuzilmani tiklash.

Pokiston bu sa’y-harakatlar falastin xalqining xalqaro qonunchilik asosida o‘z taqdirini belgilash huquqini amalga oshirishga yordam berishiga umid bildirdi.