Pokiston axborot vaziri Attaulloh Tarar mamlakat havo kuchlari Afg‘onistondagi bir nechta harbiy nishonlarga, jumladan, poytaxt mintaqasiga zarba berganini e’lon qildi.
Bu haqda Pokiston axborot vaziri PTV telekanaliga bergan intervyusida ma’lum qildi.
Vazirning so‘zlariga ko‘ra, havo hujumlari Afg‘oniston kuchlarining Kobul, Qandahor va Paktiyadagi asosiy ob’ektlariga zarba bergan.
Uning aniqlik kiritishicha, bir nechta brigada va korpus shtab-kvartirasi, o‘q-dori omborlari va logistika markazlari yo‘q qilingan.