Xabaringiz bor, kecha “Real” ustozi Zinedin Zidan rasman iste’foga chiqdi. “Real” esa ayni damda uning o‘rniga boshqa murabbiylar variantlarini ko‘rib chiqmoqda.
Shu paytgacha “Tottenxem” ustozi Maurisio Pochettino asosiy nomzod sifatida qaralayotgandi. Ammo “Sky Sports” nashrining yozishicha, argentinalik mutaxassis “shporlar” rahbariyati bilan bu borada gaplashmoqchi emas. Ya’ni Pochettino “Real” taklif jo‘natgan taqdirda ham “Tottenxem”dan ketish niyatida emas. Shu bois “qirollik klubi” boshqa murabbiyga ko‘z tikdi.
“Sport.es” nashrining yozishicha, “Real” endi “Yuventus” murabbiysi Massimiliano Allegriga qiziqmoqda. Agar Maurisio Pochettino varianti chindan ham o‘xshamasa, “qirollik klubi” aynan Allegriga bor e’tiborini qaratmoqchi.
