Pezeshkian: "Eron hech bir davlatga hujum qilish niyatida emas"

Eron so‘nggi ikki asrda biron bir davlatga hujum qilmagan va hozir ham shunday qilish niyatida emas.

Bu haqda Eron prezidenti Masud Pezeshkian Mehrdad Axlagi Kitobchining mudofaa vaziri lavozimiga nomzodini muhokama qilish uchun bo‘lib o‘tgan yig‘ilishda ma’lum qildi.

"Eron so‘nggi ikki asrda biron bir davlatga hujum qilmagan va hozir ham shunday qilish niyatida emas. Biroq, biz har qanday hujumga jonimiz bilan qarshilik ko‘rsatamiz va dushmanlarning yerimizga bostirib kirishiga yo‘l qo‘ymaymiz", dedi Pezeshkian.

U Eron mudofaasi faqat raketalar bilan cheklanmaganligini ta’kidlab, birlik va hamjihatlikni "mamlakat mudofaa qudratining muhim qismi" deb atadi.