AQSh Pentagoni Germaniyaning mudofaa xarajatlarini keskin oshirayotganini ijobiy baholab, uni NATOdagi boshqa ittifoqchilar uchun namuna sifatida keltirdi.
AQSh mudofaa vazirining siyosiy masalalar bo‘yicha o‘rinbosari Elbrij Kolbi Senatda Germaniya yangi NATO majburiyatlarini bajarish uchun ishonchli qadamlar qo‘yayotganini aytdi. Berlin 2035 yilga belgilangan muddatni kutmasdan, 2029 yilga kelib mudofaa va xavfsizlikka yalpi ichki mahsulotning 5 foizini yo‘naltirishni rejalashtirmoqda.
NATO davlatlari mudofaaga YAIMning kamida 3,5 foizini to‘g‘ridan-to‘g‘ri sarflash, yana 1,5 foizgacha mablag‘ni xavfsizlik infratuzilmasi, kiberhimoya va boshqa shu kabi yo‘nalishlarga ajratish bo‘yicha kelishgan.
Kolbi avgust oyida ham Germaniyadagi so‘nggi bir yarim yildagi o‘zgarishlarni juda katta burilish sifatida baholagan edi.
Pentagon, shuningdek, Germaniya va AQSh o‘rtasidagi mudofaa sanoati sohasidagi hamkorlik kengayib borayotganini ta’kidladi. Sentyabr oyida Germaniya mudofaa vaziri Boris Pistorius va AQSh mudofaa vaziri Pit Xegset qurol-yarog‘larni birgalikda ishlab chiqish va ishlab chiqarish, lisenziya asosida ishlab chiqarish hamda harbiy texnikani ta’mirlashni kengaytirish bo‘yicha niyatlar bayonotini imzolagan.
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
Ra’no Shodiyeva uchun og‘ir judolik
