Pashinyan YEOII davlat rahbarlarining referendum haqidagi bayonotini do‘stona ishora deb baholadi

Armaniston bosh vaziri Qozog‘iston, Rossiya, Belarus va Qirg‘iziston rahbarlarining Armanistonda YEOII yoki YEIga a’zo bo‘lish masalasi bo‘yicha referendum o‘tkazish g‘oyasini qo‘llab-quvvatlagan bayonotini do‘stona ishora deb atadi.

"Siz buni talab deyapsiz. Ammo bu talab qayerda qayd etilgan?" — dedi Pashinyan hukumat yig‘ilishidan keyingi brifingda.

Uning aytishicha, davlatlararo munosabatlarda tomonlar bir-birining manfaatlariga oid masalalarni muhokama qilishi odatiy hol. U referendum g‘oyasi avval Armanistonning o‘zi tomonidan ilgari surilganini qayd etdi.