Panama kanali orqali kemalar qatnoviga cheklov kiritiladi

El-Nino tufayli yuzaga kelgan qurg‘oqchilik kuchaygani sababli Panama kanali orqali kemalar qatnoviga cheklov kiritiladi.

Panama kanali El-Nino iqlim hodisasi tufayli yuzaga kelgan qurg‘oqchilikning kuchayishi ortidan dengiz transportini yana qisqartirishni rejalashtirmoqda, bu esa dunyodagi eng muhim yuk tashish yo‘llaridan birini yanada bo‘g‘ib qo‘yadi.

Kanal global dengiz savdosining 5 foizini va AQSh konteyner tashishining taxminan 40 foizini amalga oshiradi. Ushbu kanal yuk tashuvchilar tomonidan afzal ko‘riladi, chunki u Xitoy, Osiyo va AQSh o‘rtasida savdo qiluvchi kompaniyalarning xarajatlari va tranzit vaqtini qisqartiradi.

Panama parlamentiga taqdim etilgan reja loyihasiga ko‘ra, oktyabr oyidan boshlab kuniga o‘rtacha 29,5 ta kema tranzit o‘tkazishga ruxsat beriladi - bu avgust oyidagi 36 ta kemadan 18 foizga kam. Sentyabr boshida qurg‘oqchilik tufayli kunlik tranzitlar 36 tadan 32 tagacha qisqartirilgan edi.

Kanalda yuk tashish cheklovlari yanada kuchayishi mumkin, El-Nino shu yil oxirida eng yuqori cho‘qqisiga chiqishi kutilmoqda. Shamol, havo bosimi va yog‘ingarchilik rejimida butun dunyo bo‘ylab o‘zgarishlarga olib keladigan tabiiy ob-havo sharoiti so‘nggi to‘rt o‘n yillikdagi eng kuchli bo‘lishi prognoz qilinmoqda.

AQSh va Isroilning Eronga qarshi urushi va Ho‘rmuz bo‘g‘ozining yopilishi logistikani murakkablashtirdi va kanaldan foydalanuvchi yuk tashish kompaniyalari uchun qo‘shimcha xarajatlarni keltirib chiqardi. Bundan tashqari Yaman husiylarining hujumlarni kuchaytirishi yana bir muhim dengiz yo‘li hisoblanuvchi Bob al-Mandab bo‘g‘ozi orqali kemalar qatnovi uchun xavfni oshirdi.