Oyatulloh Xominaiyning o‘rnini kim egallashi mumkin?

Oyatulloh Xominaiyning o‘rnini Islom inqilobi qo‘riqchilari korpusidan bo‘lgan yanada radikal shaxslar egallashi mumkin.

Bu haqda Reuters AQSh Markaziy razvedka boshqarmasi ma’lumotlaridan xabardor manbalariga tayanib xabar bermoqda.

Manbalarning so‘zlariga ko‘ra, hokimiyatga Islom inqilobi qo‘riqchilari korpusi vakillarining kelishi Eronning yanada radikallashuvini anglatishi mumkin.

Islom inqilobi qo‘riqchilari korpusi vakillarining hokimiyat tepasiga kelishi muhokama qilingan bir necha ehtimoliy ssenariylardan biridir, deb yozadi Reuters.