Olti viloyatda 4−8 aprel kunlari qor ko‘chish xavfi e’lon qilindi

O‘zgidromet 4−8 aprel kunlari kutilayotgan yog‘ingarchilik hamda havo haroratining o‘zgarishlari sababli respublikaning tog‘li hududlarida va dengiz sathidan 2000 m balandlikda qor ko‘chishi xavfini e’lon qildi.

• Qashqadaryo viloyati: Kitob, Shahrisabz tumanlarida;
• Surxondaryo viloyati: Boysun, Sariosiyo, Uzun tumanlarida;
• Samarqand viloyati: Samarqand, Urgut tumanlarida;
• Jizzax viloyati: Baxmal, Zomin tumanlarida;
• Toshkent viloyati: Bo‘stonliq, Parkent, Ohangaron tumanlari (Chotqol tizmasi tog‘lari);
• Namangan viloyati: Pop tumanida qor ko‘chish xavfi elon qilinadi.

Tog‘li hududlarda yashovchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlari so‘raldi.