Amerikalik olimlar miya har qanday yoshda ham rivojlanishi mumkinligini isbotlashdi. Dallasdagi Texas universitetining Miya salomatligi markazi tadqiqotchilari uch yillik tadqiqotdan so‘ng ana shunday xulosaga kelishdi.
“Har bir miya barmoq izi kabi noyob va rivojlanishga qodir. Ushbu tadqiqot kognitiv pasayish muqarrar degan fikrga qarshi chiqadi va miya salomatligini har qanday yoshda mustahkamlash mumkinligini ko‘rsatadi”, deb ta’kidladi klinik tadqiqotlar direktori Lori Kuk.
Tadqiqotda 19 yoshdan 94 yoshgacha bo‘lgan qariyb 4 ming nafar kattalar ishtirok etdi. Ishtirokchilar kuniga 5 dan 15 daqiqagacha qisqa mashqlar bajarishdi. Ijobiy natijalar hatto 80 yoshdan oshgan odamlarda ham sezilarli bo‘ldi. Bu kognitiv salomatlikka g‘amxo‘rlik qilish hatto qarilikda ham samarali ekanligini va kasallikning dastlabki belgilari paydo bo‘lishidan ancha oldin foyda keltira boshlaganini isbotlaydi, deb xabar berdi mir24.tv.
“Uzoq vaqt davomida biz miyada biron bir yomon narsa sodir bo‘lguncha kutishimiz kerak degan eskirgan tushunchaga amal qilib keldik”. “Ushbu tadqiqot bizga miyamiz yoshga emas, balki imkoniyatlarga qarab belgilanishini eslatadi”, deya tadqiqotning katta muallifi Sandra Bond Chepmenning so‘zlaridan iqtibos keltiradi Science Daily.
O‘zbekiston — Kolumbiya o‘yini uchun chiptalar sotuvi rekord darajaga chiqdi
Munisa Rizayeva to‘y xizmatlari narxini oshkor qildi: Poytaxt va viloyatlar o‘rtasidagi farq qancha?
AQShda ham to‘y qilayotganlar aqldan ozmoqda
