Odessaga qilingan hujumda uch kishi halok bo‘ldi

Odessaga tungi hujumda uch kishi, jumladan, bir bola halok bo‘ldi.

Shahar harbiy ma’muriyati rahbari Sergey Lisak bu haqda o‘zining Telegram-kanalida ma’lum qildi.

Uning so‘zlariga ko‘ra, yana 10 kishi jarohat olgan, ulardan ikki nafari og‘ir ahvolda.

Shaharning Primorskiy tumanida ko‘p qavatli turar-joy majmuasi va yettita xususiy uy zarar ko‘rgan.

Kiyevskiy tumanida bitta ko‘p qavatli bino, beshta xususiy uy, xususiy maktabgacha ta’lim muassasasi, do‘kon va 27 ta avtomobil zarar ko‘rgan, deb xabar berdi rasmiy.