Qoraqalpog‘iston Respublikasi Nukus shahar “Temir jol” MFYda joylashgan ko‘p qavatli uyda portlash sodir bo‘ldi. Bu haqda Favqulotda vaziyatlar vazirligi xabar berdi.
Ma’lum qilinishicha, bugun, 29 yanvar kuni soat 16:15 larda Nukus shahri “Temir jol” MFYda joylashgan 4 qavatli uyda dastlabki ma’lumotlarga asosan havo-gaz aralashmasining chaqnashi sodir bo‘lgan.
Voqea joyida Favqulodda vaziyatlar boshqarmasi qutqaruvchilari hamda Favqulodda vaziyatlar davlat tizimiga kiruvchi tashkilotlar xodimlari tomonidan vaziyat oqibatlarini bartaraf etish ishlari olib borilmoqda.
Chaqnash oqibatida 2 nafar fuqaro kuyish tan jarohati bilan shahar shifoxonasiga joylashtirilgan.
Voqea yuzasidan qo‘shimcha ma’lumot taqdim etiladi.