NORAD samolyotlari Grenlandiyadagi Amerika bazasiga joylashtiriladi

Shimoliy Amerika Aerokosmik Mudofaa Qo‘mondonligining (NORAD) harbiy samolyotlari Vashingtonning orolga bo‘lgan da’volari fonida Grenlandiyadagi AQSh bazasiga yetib keladi.

Bu haqda NORAD ijtimoiy tarmoqlarda e’lon qildi.

Pituffikda ular "Qo‘shma Shtatlar, Kanada va Grenlandiya o‘rtasidagi mustahkam mudofaa hamkorligiga asoslanib, oldindan rejalashtirilgan turli tadbirlarni" qo‘llab-quvvatlaydilar.

"Ushbu faoliyat Daniya Qirolligi bilan muvofiqlashtirilgan va barcha qo‘llab-quvvatlovchi kuchlar zarur diplomatik ruxsatnomalar bilan ishlamoqda. Grenlandiya hukumati ham rejalashtirilgan tadbirlar haqida xabardor qilingan", deyiladi qo‘mondonlikda.