New York Times yaqin kelajakda yopilishga majbur bo‘ladi

The New York Times yaqin kelajakda yopilishga majbur bo‘ladi va bu Amerika uchun ajoyib kun bo‘ladi, dedi AQSh prezidenti Donald Tramp TruthSocial ijtimoiy platformasida.

"Yaqin kelajakda bir kun kelib The New York Times o‘zining iflos eshiklarini yopishga majbur bo‘ladi — va bu Amerika uchun ajoyib kun bo‘ladi!", - deb yozgan u.

Bunday keskin so‘zlarga gazetada Mayamidagi Trump National Doral golf kurort majmuasi haqidagi maqola va fotosurat sabab bo‘lgan.

NYT gazetasi Trump National Doral haqida maqola yozar ekan, uning fasadini qoraytirib va ​​sifatsiz, kir hamda shunchaki yomon ko‘rsatuvchi suratni chop etdi. Ular jahon yetakchilarining buni ko‘rishini istashadi. Aslida bino fasadi quyidagi ko‘rinishga ega, deb yozgan Tramp va ikkita surat joylashtirgan.

Tramp, shuningdek, gazetani doimo "soxta yangiliklar" tarqatishda aybladi va ishonchsizlik tufayli uning mijozlari kamayib borayotganini aytdi.

Avvalroq AQSh prezidenti Politico, CNN va MS NOWni (ilgari — MSNBC) soxta yangiliklar deb atagan va ularning vakillarini uning ma’muriyatiga kirishiga to‘sqinlik qilgan edi. Keyinchalik sud taqiqni bekor qilish to‘g‘risida qaror chiqardi va Oq uy ularning kirishini tikladi.