New York Times яқин келажакда ёпилишга мажбур бўлади

The New York Times яқин келажакда ёпилишга мажбур бўлади ва бу Америка учун ажойиб кун бўлади, деди АҚШ президенти Доналд Трамп TruthSocial ижтимоий платформасида.

"Яқин келажакда бир кун келиб The New York Times ўзининг ифлос эшикларини ёпишга мажбур бўлади — ва бу Америка учун ажойиб кун бўлади!", - деб ёзган у.

Бундай кескин сўзларга газетада Майамидаги Trump National Doral гольф курорт мажмуаси ҳақидаги мақола ва фотосурат сабаб бўлган.

NYT газетаси Trump National Doral ҳақида мақола ёзар экан, унинг фасадини қорайтириб ва ​​сифатсиз, кир ҳамда шунчаки ёмон кўрсатувчи суратни чоп этди. Улар жаҳон етакчиларининг буни кўришини исташади. Аслида бино фасади қуйидаги кўринишга эга, деб ёзган Трамп ва иккита сурат жойлаштирган.

Трамп, шунингдек, газетани доимо "сохта янгиликлар" тарқатишда айблади ва ишончсизлик туфайли унинг мижозлари камайиб бораётганини айтди.

Аввалроқ АҚШ президенти Politico, CNN ва MS NOWни (илгари — MSNBC) сохта янгиликлар деб атаган ва уларнинг вакилларини унинг маъмуриятига киришига тўсқинлик қилган эди. Кейинчалик суд тақиқни бекор қилиш тўғрисида қарор чиқарди ва Оқ уй уларнинг киришини тиклади.