Netanyaxu: "Eron endi uranni boyitib, raketa ishlab chiqara olmaydi"

Eron hozirda uranni boyitish yoki ballistik raketalar ishlab chiqarish imkoniyatiga ega emas.

Bu haqda Isroil Bosh vaziri Benyamin Netanyaxu jurnalistlar bilan suhbatda ta’kidlagan.

U Eron endi "har qachongidan ham zaifroq" ekanligini aytdi. Netanyaxu Islom Respublikasiga qarshi operasiya zarur bo‘lgan vaqtgacha davom etishini ta’kidladi.

"Xamaney yer ostida raketa va yadroviy dasturlarni qayta tiklashni buyurdi. Biz nafaqat qolgan raketalarni yo‘q qilish, balki ushbu dasturlarni qo‘llab-quvvatlovchi inshootlarni ham yo‘q qilish uchun harakat qilmoqdamiz. Va endi, 20 kundan keyin, men sizga Eron uranni boyitish yoki ballistik raketalar ishlab chiqarish imkoniyatiga ega emasligini ayta olaman", dedi Isroil bosh vaziri.

U shuningdek, Eronda yer usti operasiyasini istisno qilmadi: "Inqiloblarni havodan amalga oshirish mumkin emas. Biz havodan ko‘p ish qilamiz, lekin yer usti komponenti ham bo‘lishi kerak - men barcha variantlarni oshkor qilmayman."