Navoiyda ishlab chiqariladigan yangi smartfon “Artel” monopoliyasiga barham beradimi?

Navoiyda “Telekom Devices PRO” MCHJ milliy ruhda dasturlashtirilgan “O‘zbekiston” smartfonlarini ishlab chiqardi.

“O‘zbekiston” smartfoniga hatto O‘zbekiston Respublikasi Prezidenti asarlari ham yuklangan. Shuningdek, smartfonga klassik va zamonaviy o‘zbek adabiyotining nodir namunalari jamlanmasi, radioinssenerovkalar, 100 dan ortiq o‘zbek kuy va qo‘shiqlari , shuningdek, yurtimizning eng diqqatga sazovor go‘shalari tasviri tushirilgan foto-albomlar yuklangan. 

Bundan tashqari, “O‘zbekiston” smartfoniga “Hukumat” dasturi ham kiritilgan bo‘lib, dasturga barcha vazirliklar, to‘rt hokimiyat tizimi ishonch telefonlari joylashtirilgan. Telefon raqamlar o‘zgarishi bilan bog‘liq hollarda dastur avtomatik tarzda yangi raqamlarni kiritish xususiyatiga ham ega.

Ekran foni uchun yurtimiz tabiatiga oid suratlar jamlanmasi joylashtirilgan bo‘lsa, chaqiruv qo‘ng‘iroqlari va uyg‘otuvchi ohanglar uchun ham o‘zbek musiqa san’ati namunalaridan foydalanilgan. 

Yaqin kunlargacha, O‘zbekiston milliy smartfonlar bozorida “Artel” yagona mahsulot edi.