NATOning Vashington sammiti qo‘shma bayonoti tayyorlandi — BBC

NATOning Vashington sammiti qo‘shma bayonoti tayyorlandi. Bu haqda BBC xabar berdi.

Matbuotga sizdirilgan qo‘shma bayonot loyihasidagi asosiy jihatlar

▪️ Ukrainaning Yevro-Atlantika integrasiyasi, jumladan, NATOga a’zo bo‘lish yo‘lidagi ortga qaytmas harakatlarini qo‘llab-quvvatlashda davom etamiz. Ittifoqchilar rozi bo‘lganda va barcha shartlar bajarilganda, Ukrainaga NATOga a’zolik taklifini yuborish imkoniyatiga ega bo‘lamiz;

◾️ Alyans a’zolari havo va raketalarga qarshi mudofaani integrasiyalashgan holda kuchaytirish orqali barcha havo va raketa tahdidlaridan himoyalanishga qat’iy qaror qildi. Bu birinchi navbatda NATOning sharqiy qanoti mamlakatlariga ta’sir qiladi;

◾️ NATO Qora dengiz va Sharqiy Bolqon mintaqasida kengayishini davom ettirmoqchi;

NATOning Ukraina uchun xavfsizlik va harbiy ta’lim bo‘yicha yordam tuzilmasi (NSATU) yaratiladi. Bunday doimiy tuzilmaning mavjudligi NATOni xalqaro huquq bo‘yicha mojaro ishtirokchisiga aylantirmaydi. NSATU Ukraina armiyasi va xavfsizlik kuchlarini alyansga yanada integrasiya qilish yo‘lidagi islohotlarda ishtirok etadi;

◾️ Alyans davlatlari kelgusi yil davomida Ukrainaga 40 milliard yevro miqdorida yordam ajratishga kelishib oldi;

◾️ Rossiyaning Ukrainaga qarshi tajovuziga Belarus, Eron, Shimoliy Koreya va Xitoy hissa qo‘shmoqda;

◾️ Erondan Rossiyaga ballistik raketalar va tegishli texnologiyalarning yetkazib berilishi sezilarli keskinlikni keltirib chiqaradi;

◾️ Xitoyni BMT Xavfsizlik Kengashining doimiy a’zosi sifatida xalqaro tashkilot nizomining maqsad va tamoyillarini qo‘llab-quvvatlash uchun alohida mas’uliyat bilan Rossiyaning harbiy sa’y-harakatlarini har qanday moddiy va siyosiy shaklda qo‘llab-quvvatlashni to‘xtatishga chaqiramiz;

◾️ NATO Yaqin Sharq va Afrikadagi ishtirokini kuchaytirishni maqsad qilgan;

◾️ NATO Hind-Tinch okeani mintaqasidagi davlatlar bilan hamkorlikni chuqurlashtirishni rejalashtirmoqda;

◾️ Alyans turli qarama-qarshiliklarga intilmaydi va Rossiyaga tahdid solmaydi;

◾️ Rossiyaning NATO uchun keng qamrovli tahdidi uzoq muddatli davrda saqlanib qoladi;

◾️ Alyans davlatlari yadro salohiyatini modernizasiya qilish va bu boradagi harakatlarni rejalashtirishni yaxshilash niyatida.