19 avgust kuni Afg‘oniston mustaqilligining 100 yillik bayramida Jalolobod provinsiyasida bomba portladi. Shahardagi restoran va jamoat maydonlarida sodir bo‘lgan portlashlar natijasida 34 dan ortiq kishi jarohatlandi. Bu haqda Aljazeera nashri xabar berdi.
Nangarxar provinsiyasi gubernatori Shah Mahmud Miaxelning so‘zlariga ko‘ra, shaharning turli qismlarida kamida oltita portlash sodir bo‘lgan.
Prezident Ashraf G‘ani Qobuldagi mustaqillik kunida so‘zlagan nutqida, ISHIDga ishora qilgan holda Dayeshga qarshi kurash davom etishini aytdi.
Avvalroq, Qobul shahri g‘arbidagi to‘yxonalardan birida nikoh marosimi vaqtida portlash sodir bo‘lgandi. Natijada 63 kishi vafot etganligi, 200ga yaqini esa yaralangani haqida xabar berilgan edi.