Xabarlarga ko‘ra, ular ma’lumotlarni qayta ishlash markazi uchun qurilgan elektr stansiyasidan chiqayotgan muntazam shovqindan shikoyat qilishmoqda.
Ilon Maskning xAI va SpaceX kompaniyalari Missisipi shtatida sud da’vosiga duch keldi. Mahalliy aholi vakillari yaqin atrofda joylashgan ma’lumotlarni qayta ishlash markazini energiya bilan ta’minlovchi elektr stansiyasi salomatlikka salbiy ta’sir qiluvchi muntazam shovqin chiqarayotganidan shikoyat qilishdi.
Shikoyatlar Sautxeyven shahridagi elektr stansiyasiga qaratilgan. xAI kompaniyasi uning qurilishiga 20 milliard dollardan ortiq sarmoya kiritgan. Stansiyaning gaz turbinalari shahar va uning atrofidagi ma’lumotlarni qayta ishlash markazlarini energiya bilan ta’minlaydi.
Da’vogarlar uyqusizlik, yuqori darajadagi xavotir va bosh og‘rig‘i kabi jismoniy alomatlardan shikoyat qilishmoqda. Ular turbinalarning ishini kunu tun eshitiladigan "reaktiv dvigatellarning g‘uvillashi"ga qiyoslashadi.
Da’vo arizasida Mask kompaniyalaridan ma’naviy zararni qoplash, shuningdek, moliyaviy yo‘qotishlarni to‘lash talab qilinmoqda: da’voga ko‘ra, noqulayliklar sababli bu hududdagi ko‘chmas mulk narxi tushib ketgan, deyiladi xabarlarda.
Million rossiyalik mamlakatni tark etdi
47°C issiqlikda tong ham, tun ham yo‘q: Hindistonning eng issiq hududida bir kun
O‘zbekiston – Niderlandiya o‘rtoqlik o‘yini Nyu-Yorkda bo‘lib o‘tadi
