Migrasiya agentligida 1 mlrd so‘mdan ortiq mablag‘ talon-toroj qilingani aniqlandi

Bosh prokuratura huzuridagi Departament ma’lum qilishicha, tergovga qadar tekshiruvda Migrasiya agentligining ayrim mas’ul shaxslari:
▪️ amalda ishlamagan ikki xodimga 931,6 mln so‘m ish haqi hisoblab bergan;
▪️ intizomiy jazo amal qilgan davrda qonun talablariga zid ravishda 8 nafar xodimga 88,5 mln so‘m to‘lov amalga oshirgan.

Shu tariqa byudjet mablag‘larining 1 mlrd so‘mdan ortig‘i rastrata yo‘li bilan talon-toroj qilingani aniqlangan.

⚖️ Holat yuzasidan Jinoyat kodeksining 167-moddasi bilan jinoyat ishi qo‘zg‘atilib, tergov harakatlari olib borilmoqda.