Mers Kiyevda Germaniyaning Ukrainaga keng ko‘lamli harbiy yordamini davom ettirishini ma’lum qilishi kutilmoqda. Germaniya hukumati ma’lumotiga ko‘ra, Berlin Rossiyaning reaktiv dvigatelli zarbador dronlariga qarshi kurashish uchun Ukrainaga minglab dron-tutqichlar yetkazib berishga tayyorgarlik ko‘rmoqda.
Shuningdek, Germaniya uzoq masofaga zarba beruvchi qurollarni birgalikda ishlab chiqarishni tezlashtirmoqchi. Buning uchun avval tasdiqlangan byudjet mablag‘laridan 1 milliard yevro ajratilishi rejalashtirilgan. Yana 350 million yevro vayron bo‘lgan elektr stansiyalarini ta’mirlash va tiklashga yo‘naltiriladi.
Mersning tashrifi Rossiyaning Ukrainaga, jumladan Kiyevga hujumlari kuchaygan bir paytga to‘g‘ri keldi. U Kiyevga kelishidan biroz oldin Rossiya Tashqi ishlar vazirligi xorijiy diplomatlar va mehmonlarni Ukraina poytaxtiga borish xavfli ekanidan ogohlantirib, shaharni tark etishga chaqirdi.
Nega Isroil O‘zbekistonga qiziqib qoldi?
Aeroportda yangi tug‘ilgan chaqaloq va uning onasi vafot etdi
Ayiq ovlaganlarga pul mukofoti va’da qilindi
