Mustaqil davlatlar hamdo‘stligi (MDH) mamlakatlarida 2019 yilning yanvar—may oylarida sanoat ishlab chiqarishi hajmi 2,5 foizga ko‘paydi. Buni MDH Statistika qo‘mitasi ma’lumotlaridan bilib olish mumkin.
"Xabar.uz"ning yozishicha, Hamdo‘stlik mamlakatlarida yil boshidan beri iste’mol narxlari 3,1 foizga, sanoat mahsulotlari narxi 2,2 foizga qimmatlagan. MDH mamlakatlarida yalpi ichki mahsulot (YAIM) hajmi o‘rtacha 1,1 foizga o‘sgan.
YAIMning eng yuqori o‘sishi Tojikistonda kuzatildi — 7,5 foiz (2019 yil yanvar—mart — 2018 yilning yanvar—martiga nisbatan).
Shuningdek, Armaniston (7,1 foiz) va Turkmaniston (6,2 foiz)da yalpi ichki mahsulot o‘sish sur’ati yuqori.
O‘zbekistonda shu davrda YAIM o‘sishi 5,3 foizni tashkil etdi.
Yalpi ichki mahsulot o‘sish sur’ati eng past mamlakatlar: Rossiya — 0,5 foiz, Belarus — 1 foiz va Ozarbayjon — 2,2 foiz.
MDH mamlakatlarida to‘lanadigan ish haqlari solishtirilganda esa butunlay boshqacha manzara: 2019 yil may oyi holatiga MDHda eng kam o‘rtacha oylik ish haqi Tojikistonda ($145), eng ko‘p o‘rtacha oylik ish haqi Rossiyada ($730) to‘lanmoqda.
Iqtisodiy jihatdan Moldova faqat Rossiya bilan hamkorlikda rivojlana oladi
Rossiya qo‘shinlari Avdeevka shimoli-g‘arbidagi Ukraina frontini yorib o‘tdi
Microsoft bitta tasvirdan video yaratadigan yangi neyron tarmoqni taqdim qildi
