Kilian Mbappe «Real» safida «Benfika»ga qarshi o‘yinda maydonga tushmadi. Madrid klubi hujumchining muammoli tizzasi to‘liq tiklanishi uchun unga vaqt berishga qaror qildi.
«The Touchline» nashrining «COPE» efiriga tayanib xabar berishicha, Mbappe maksimal 14 kunga safdan chiqqan. Bu «Real» va uning muxlislari uchun ijobiy yangilikdir.
Aytilishicha, fransuz futbolchisi Chempionlar ligasining 1/8 finalida o‘ynashga tayyor bo‘ladi. Ushbu bosqichning dastlabki uchrashuvlari 10 va 11 mart kunlari bo‘lib o‘tadi.
2025/2026 yilgi mavsumda Kilian Mbappe 33 ta o‘yinda maydonga tushdi. Ularda fransiyalik forvard 38 ta gol urdi va jamoadoshlariga oltita golli uzatmani amalga oshirdi.
«Real» o‘zining navbatdagi uchrashuvini 2 mart kuni La Liga doirasida «Xetafe»ga qarshi o‘tkazadi.
Gvardiola nega Husanov "Nyukasl"ga qarshi o‘yin tanaffusida maydonga tushirilganini izohladi
"Al-Hilol" futbolchilari Benzema bilan shartnoma imzolanganidan afsusda
Eldor Shomurodov Italiyaga tashrif buyurdi
